Жиззах вилоятида бир йил ичида «Тез тиббий ёрдам» шохобчалари сони 19 тадан 45 тага етказилди, деб хабар беради «Халқ сўзи».
Қайд этилишича, харид қилинган Hyundai, Nissan, «Damas-амбуланс» русумли 102 та янги автомашина ҳисобига чақирув манзилига кечикиб бориш ҳолатлари 65 фоизга камайиб, молиялаштириш икки, дори воситалари билан таъминлаш уч бараварга ошди.
«Шунингдек, республика шошилинч тиббий ёрдам илмий маркази Жиззах филиали хорижий молия институтларининг 3,4 миллион АҚШ доллари миқдоридаги кредит ва грант маблағлари ҳисобига замонавий тиббиёт асбоб-ускуналари билан жиҳозланди. Шифокорлар фаолияти тўғри йўлга қўйилиши натижасида аҳолининг тор доирадаги мутахассислар хизмати учун марказга қатнаш даражаси 16—17 фоизга камайишига эришилган», — дейилади хабарда.
Изоҳ (0)