Su-25 samolyoti urib tushirilgan hududga berilgan zarba natijasida 30 nafar jangari o‘ldirildi. Bu haqda Rossiya mudofaa vazirligi ma’lum qildi, deya xabar berdi “TASS”.
“Idlib viloyatidagi ‘Jabhat an-Nusra’ terrorchi guruhi nazoratidagi Su-25 samolyotiga qarata zenit raketasi uchirilgan hududga yuqori aniqlikdagi qurol bilan zarba berildi. Buning natijasida 30 dan ortiq jangari o‘ldirildi”, —deyiladi vazirlik xabarida.
Hozirda Rossiya Turkiya tomoni bilan birgalikda halok bo‘lgan uchuvchining jasadini qaytarishga harakat qilmoqda.
Eslatib o‘tamiz, Rossiya shturmchi samolyoti Idlib viloyatida 3-fevral, shanba kuni urib tushirildi. Uchuvchi katapulta qilishga ulgurdi, biroq keyinchalik terrorchilar bilan jangda halok bo‘ldi.
Izoh (0)