Turkiya armiyasi yaqin vaqt ichida Suriya shimolidagi Afrin shahrini egallashga urinib ko‘radi. Bu haqda Turkiya prezidenti Rajab Toyyib Erdo‘g‘on ma’lum qildi, deya xabar bermoqda “TASS”.
“Askarlarimiz Afrin tog‘larini terrorchilardan qadamba-qadam tozalamoqda. Qo‘shinlarimiz Afrin shahri tomon harakat qilmoqda, oz qoldi”, — dedi Erdo‘g‘on.
Turkiya qurolli kuchlari bosh shtabi 20-yanvar kuni Suriya shimolidagi kurd jangovar bo‘linmalariga qarshi “Zaytun novdasi” nomli harbiy operatsiyani boshlagan edi.
Suriyaning Afrin mintaqasida 1,5 millionga yaqin kurd va qochoqlar yashaydi. Turkiya hukumati esa Afrindagi asosiy kurd kuchlari — “Xalq mudofaa qo‘shinlari” hamda “Demokratik ittifoq”ni terrorchilik tashkilotlari deb hisoblaydi.
Izoh (0)