Qozog‘iston aholisi 2017-yil 1-dekabr holatiga 18 million 137,3 ming kishini tashkil etdi. Bu haqda mamlakat iqtisodiyot vazirligi matbuot xizmati ma’lum qildi, deb xabar beradi EADaily.
Yil davomida aholi soni 231,3 ming kishiga yoki 1,3 foizga ko‘paydi.
Qozog‘istonda o‘tgan yil yanvaridan noyabriga qadar 359,6 ming kishi tug‘ildi. Bu 2016-yilning tegishli davriga nisbatan 4,9 foizga kam.
Aholining tabiiy o‘sishi mazkur davrda 2016-yil yanvar—noyabriga nisbatan 16,9 ming kishi yoki 6,6 foizga kamaydi va 239,8 ming kishini tashkil etdi.
Izoh (0)