Shimoliy Koreya ilm-fan va milliy iqtisodiyot evaziga hal etib bo‘lmas qiyinchiliklarga duch kelmaydi. Bu haqda KXDR yetakchisi Kim Chen In mamlakat Fanlar akademiyasiga tashrifi chog‘ida ma’lum qildi, deya xabar beradi “TASS”.
“Kim Chen In ishonchli ilmiy-texnik kuchlar va yetuk olimlar tomonidan tayyorlangan mustaqil milliy iqtisodiyot zamini tufayli hech qanday yengib bo‘lmas qiyinchiliklar bo‘lmasliginini bildirdi. Hatto dushmanlar 10 yoki 100 yil davom etadigan sanksiyalar kiritgan taqdirda ham”, — deyiladi Koreya markaziy telegraf agentligi tadbirdan tayyorlagan xabarida.
Davlat Fanlar akademiyasiga tashrifi davomida Kim Chen In ta’mirdan chiqqan tarixiy-inqilobiy muzey va ilmiy yutuqlar ko‘rgazmasi bilan tanishgan. Mutasaddilarga akademiyaga mablag‘ ajratish, ilmiy-texnik kadrlarning barcha muammolarini hal etish haqida topshiriqlar bergan.
Izoh (0)