Internetda Tide Pod Challenge nomli xavfli fleshmob keng tarqaldi: o‘smirlar kir yuvishga mo‘ljallangan kapsulani yeb, bu jarayonning videosini tarmoqqa joylamoqda.
Shifokorlarning ogohlantirishicha, bu kabi harakatlar salomatlik uchun zararligina bo‘lib qolmay, hatto o‘limga ham olib kelishi mumkin, deb xabar berdi Fox News.
Telekanalning qayd etishicha, fleshmob ishtirokchilari konfetlarga o‘xshash Tide va boshqa markadagi gel-tabletkalarni chaynaydi va keyin estafetani boshqa do‘stlariga uzatadi.
Videoni qabul qilgan “do‘stlar” ham buni bajarishlari lozim bo‘ladi. Hatto ayrimlar kapsulalarni iste’mol qilishdan oldin likopchaga, ovqatning ustiga terib chiqmoqda.
Shifokorlarning aytishicha, ushbu kir yuvish vositasi tarkibida etanol, polimerlar va vodorod peroksid mavjud bo‘lib, bu odam organizmi uchun juda xavfli hisoblanadi.
Bu fleshmob 2015-yilda, The Onion gazetasi tomonidan chop etilgan satirik maqola sababli boshlangan. 2017-yilda Collage Humor jurnali ko‘rinishidan chiroyli bo‘lgan kukunli kapsulalarni yeb yuborgan odamning hazil videosini joylashtirgan edi.
Izoh (0)