Интернетда Tide Pod Challenge номли хавфли флешмоб кенг тарқалди: ўсмирлар кир ювишга мўлжалланган капсулани еб, бу жараённинг видеосини тармоққа жойламоқда.
Шифокорларнинг огоҳлантиришича, бу каби ҳаракатлар саломатлик учун зарарлигина бўлиб қолмай, ҳатто ўлимга ҳам олиб келиши мумкин, деб хабар берди Fox News.
Телеканалнинг қайд этишича, флешмоб иштирокчилари конфетларга ўхшаш Tide ва бошқа маркадаги гел-таблеткаларни чайнайди ва кейин эстафетани бошқа дўстларига узатади.
Видеони қабул қилган «дўстлар» ҳам буни бажаришлари лозим бўлади. Ҳатто айримлар капсулаларни истеъмол қилишдан олдин ликопчага, овқатнинг устига териб чиқмоқда.
Шифокорларнинг айтишича, ушбу кир ювиш воситаси таркибида этанол, полимерлар ва водород пероксид мавжуд бўлиб, бу одам организми учун жуда хавфли ҳисобланади.
Бу флешмоб 2015 йилда, The Onion газетаси томонидан чоп этилган сатирик мақола сабабли бошланган. 2017 йилда Collage Humor журнали кўринишидан чиройли бўлган кукунли капсулаларни еб юборган одамнинг ҳазил видеосини жойлаштирган эди.
Изоҳ (0)