Amerikalik teleboshlovchi Opra Uinfri 2020-yilgi prezidentlik saylovlari hozirgi vaqtda bo‘lib o‘tganida kim go‘lib chiqardi mavzusida bo‘lib o‘tgan so‘rovda Donald Tramp ustidan g‘alaba qozondi. Bu haqda 8—9-yanvar kunlari Rasmussen Reports ijtimoiy xizmati tomonidan o‘tkazilgan so‘rovga asoslanib, “TASS” xabar berdi.
Ovoz beruvchilarning deyarli 48 fozi Opraning foydasiga, 38 foizi esa Trampga ovoz bergan. Shuningdek, 14 foiz saylovchilar hozircha bu borada yakdil fikrga ega emasliklarini bildirgan. Tadqiqotda 1000 nafar odam qatnashdi, xatolik esa 3 foizdan oshmaydi.
Agarda rostdan ham saylov bo‘lganida so‘rovda qatnashgan demokratlarning 76 foizi, respublikachilarning 22 foizi va saylovchilarning 44 foizi Opraga ovoz bergan bo‘lardi. Trampda esa ushbu ko‘rsatgichlar tegishli ravishda 66, 12 va 38 foizga teng bo‘lishi mumkin edi.
Opraga ovoz berganlarning 52 foizini ayollar tashkil etadi. Shu bilan birga so‘rov natijasida ma’lum bo‘lishicha, AQSh tarixida birinchi bor 40 yoshgacha bo‘lgan saylovchilarning aksariyati afroamerikalik milliarderga ovoz berishga tayyor. Uinfrining shaxsiy kinostudiyasi, telekanali, O, The Oprah Magazine jurnali mavjud.
Izoh (0)