Америкалик телебошловчи Опра Уинфри 2020 йилги президентлик сайловлари ҳозирги вақтда бўлиб ўтганида ким гўлиб чиқарди мавзусида бўлиб ўтган сўровда Дональд Трамп устидан ғалаба қозонди. Бу ҳақда 8—9 январь кунлари Расмуссен Репорц ижтимоий хизмати томонидан ўтказилган сўровга асосланиб, «ТАСС» хабар берди.
Овоз берувчиларнинг деярли 48 фози Опранинг фойдасига, 38 фоизи эса Трампга овоз берган. Шунингдек, 14 фоиз сайловчилар ҳозирча бу борада якдил фикрга эга эмасликларини билдирган. Тадқиқотда 1000 нафар одам қатнашди, хатолик эса 3 фоиздан ошмайди.
Агарда ростдан ҳам сайлов бўлганида сўровда қатнашган демократларнинг 76 фоизи, республикачиларнинг 22 фоизи ва сайловчиларнинг 44 фоизи Опрага овоз берган бўларди. Трампда эса ушбу кўрсатгичлар тегишли равишда 66, 12 ва 38 фоизга тенг бўлиши мумкин эди.
Опрага овоз берганларнинг 52 фоизини аёллар ташкил этади. Шу билан бирга сўров натижасида маълум бўлишича, АҚШ тарихида биринчи бор 40 ёшгача бўлган сайловчиларнинг аксарияти афроамерикалик миллиардерга овоз беришга тайёр. Уинфрининг шахсий киностудияси, телеканали, О, Тhe Oprah Magazine журнали мавжуд.
Изоҳ (0)