25 yoshdan oshgan ayollar Saudiya Arabistoniga borish uchun turistik vizani qo‘lga kiritishi va biror hamrohsiz tashrif buyurishi mumkin. Bu haqda, mamlakatning Turizm va milliy meros komissiyasi vakiliga asoslanib, Arab News xabar berdi.
Individual sayyoh ayollarga viza taqdim etish jarayoni 2018-yilning birinchi choragida amalga oshirilishi kutilmoqda. Bu kabi chora-tadbirlar mamlakatga ko‘proq sayyohlarni jalb etishga qaratilgan. Idoraning ma’lum qilishicha, shu orqali turizm biznesidagi mavsumiylik kamayadi, shuningdek, yangi ish o‘rinlari yaratiladi.
Turizm va milliy meros komissiyasining ruxsatnoma bo‘limi bosh direktori Umar al-Muborakning izoh berishicha, ayni vaqtda baza hamda elektron vizalar tizimini yaratish ustida ish olib borilmoqda.
Izoh (0)