25 ёшдан ошган аёллар Саудия Арабистонига бориш учун туристик визани қўлга киритиши ва бирор ҳамроҳсиз ташриф буюриши мумкин. Бу ҳақда, мамлакатнинг Туризм ва миллий мерос комиссияси вакилига асосланиб, Arab News хабар берди.
Индивидуал сайёҳ аёлларга виза тақдим этиш жараёни 2018 йилнинг биринчи чорагида амалга оширилиши кутилмоқда. Бу каби чора-тадбирлар мамлакатга кўпроқ сайёҳларни жалб этишга қаратилган. Идоранинг маълум қилишича, шу орқали туризм бизнесидаги мавсумийлик камаяди, шунингдек, янги иш ўринлари яратилади.
Туризм ва миллий мерос комиссиясининг рухсатнома бўлими бош директори Умар ал-Муборакнинг изоҳ беришича, айни вақтда база ҳамда электрон визалар тизимини яратиш устида иш олиб борилмоқда.
Изоҳ (0)