General Motors avtokonserni 2021-yilgacha elektromobillar ishlab chiqarishni daromad keltiradigan qiladi. Bu haqda GM bosh direktori Meri Barra investorlarga va’da berdi, deb yozadi “Vedomosti”.
Bunga nimaning hisobiga erishish nazarda tutilayotganiga u aniqlik kiritmadi. Ammo Reuters manbalariga ko‘ra, GM elektromobillarning bo‘lg‘usi lineykasida akkumulyatorlarning o‘ziga tegishli texnologiyasini, arzon model platformasini va o‘zi SAIC bilan hamkorlikda ishlaydigan Xitoydagi ko‘p seriyali ishlab chiqarishni birlashtirishni rejalashtirmoqda.
GM’ning yangi akkumulyatorlarida zamonaviy litiy-ionli batareyalardagi eng qimmatbaho komponent — kobalt kamroq, nikel esa ko‘proq bo‘ladi. Bundan tashqari, akkumulyatorlarni boshqarish va issiqlik qaytarishning yangi tizimlari joriy etiladi. 2021-yilga kelib, kompaniya akkumulyator elementlari qiymatini uch barobar — bir kilovatt-soat uchun 100 dollargacha pasaytirishni rejalashtirmoqda. Hozirda Chevrolet Bolt batareyasi 10 ming—12 ming dollar atrofida bo‘lib, bu elektromobilning sotilish narxining uchdan bir qismi demakdir. Uch yildan keyin shunday sig‘imli batareya 6 ming dollargacha arzonlashadi.
Agar GM qo‘yilgan vazifani bajara olsa, kompaniya sohadagi birinchi daromadli elektromobil ishlab chiqaruvchiga aylanadi (davlat subsidiyalarini hisobga olmaganda). Masalan, Amerikaning Tesla kompaniyasi har chorakda elektromobillardan 1 milliard dollar zarar ko‘radi.
Izoh (0)