“Motor” nashri deyarli yo‘l bosmasdan bir necha yil o‘z egasining omborlarida saqlanib, 2017-yilda “topilgan” avtomobillar haqida ma’lumot to‘plab taqdim etdi.
Ford Escort RS Cosworth
RS Cosworth 7145 nusxada ishlab chiqarilgan bo‘lib, hozirgi vaqtga qadar suratdagi model atiga 1340 kilometr yo‘l bosgan. Sotuvchining ta’kidlashicha, xuddi yangidek bo‘lgan ushbu avtomobil kimoshdi savdosida 91125 funt sterlingga sotilgan.
Lancia Delta S4 Stradale
Bugungi kunga qadar ajoyib saqlanib qolgan yana bir afsona — 1986-yilda ishlab chiqarilgan Lancia Delta. Italiyaliklar bu kabi avtomobildan 200 nusxada chiqargan. 784 kilometr yo‘l yurgan mashina 500 ming yevro turadi. Unga 250 ot kuchiga ega 1,8 litrli dvigatel o‘rnatilgan.
Opel Omega
Germaniyada 1992-yilda ishlab chiqarilgan va 2017-yilga qadar 703 kilometr masofa bosgan Opel Omega sotuvga qo‘yildi. Avvaliga uning narxi 12,9 ming yevroga baholangan edi, biroq hozir uning narxi 9999 yevroga qadar tushib ketdi.
Lexus LFA Nurburgring Package
Atigi 500 nusxada ishlab chiqarilgan model. Ularning 50 tasi Nurburgring Package trek-paketiga ega. 100 kilometr masofani bosgan superkar yanvar oyida sotuvga qo‘yiladi. Unga 562 ot kuchiga ega 4,8 litrli V10 dvigateli o‘rnatilgan.
Nissan Skyline GT-R V-Spec II Nür
Yaponiyaning yirik avtomobil konserni tomonidan 1000 nusxada ishlab chiqarilgan model. Suratdagi nusxa 2002-yildan 2017-yilga qadar 10 kilometrgina yo‘l yurgan. Unga 280 ot kuchiga ega 2,6 lirli V6 turbomotori o‘rnatilgan.
Mitsubishi Lancer Evo IX MR
Mitsubishi’ning ushbu to‘qqizinchi avlodi 2009-yilda yaratilgan. O‘sha vaqtda amerikalik dilerlar bu markani sotib olib, o‘zlarining omboriga joylashtirgan. 15 kilometr masofa bosgan avtomobil 137954 dollarga sotilgan.
Mercedes-Benz SL 500
1990-yillarning o‘rtalarida ushbu mashina bir ayolga sovg‘a qilingan va u kabrioletni 128 kilometr haydaganidan so‘ng kalitini yo‘qotib qo‘ygan. Ekspertlarning fikricha, agarda avtomobil shuncha vaqt davomida haydalganida hozirda uning narxi 9 ming dollarda oshmasdi, biroq 20 yil bus-butunligicha saqlangan model yuqoridagi narxdan yetti barobar qimmatroqqa sotilishi mumkin.
Izoh (0)