9-yanvarning e’tiborga molik yangiliklari — “Daryo”ning kechki dayjestida.
1. Shavkat Mirziyoyev tanqid qilgan Ella Ostrogojskaya va uning oilasi haqida batafsil ma’lumot e’lon qilindi. “Eng so‘nggi, eng aniq” deb ta’riflangan bu ma’lumotlar O‘zbekiston Milliy axborot agentligi e’lon qildi.
2. O‘qituvchilarni urgan Sayxunobod hokimi o‘z arizasiga ko‘ra ishdan bo‘shagan. Ishdan ketgan Nosirjon Egamberdiyev mehnat faoliyatini o‘qituvchi sifatida boshlagan.
3. Toshkentda dugonasini kuzatib qo‘yish uchun mashina o‘g‘irlagan yigit uyiga avtobusda qaytdi. Bundan tashqari, Qatortolda jurnalist qoidabuzar haydovchini “jazoladi”, O‘rikzordagi jardan esa ichidan pullari o‘g‘irlangan bankomat topildi.
4. “U qaynotasining ‘sevaman’ deganini noto‘g‘ri tushungan”. Kelini tomonidan “sevgi izhori”da ayblangan qaynota O‘zTVga chiqdi. Psixolog esa O‘zbekistonda qaynotalarning shilqimligidan so‘ng ajrashib ketgan kelinlar ko‘pligini aytmoqda.
5. Oldiga chempionlik vazifasi qo‘yilgan O‘zbekiston termasi Osiyo Chempionatini mag‘lubiyat bilan boshladi. Ikkinchi o‘yin musobaqa mezboni — Xitoyga qarshi. O‘yin 12-yanvar kuni bo‘lib o‘tadi.
Izoh (0)