Shavkat Mirziyoyev: Menga Yangi yil bayrami tatimadi (video)

O‘zbekiston Prezidenti Shavkat Mirziyoyev 5-yanvar kuni xalq deputatlari Toshkent viloyati Kengashining navbatdan tashqari sessiyasi vaqtida, bu viloyatdagi muammo va kamchiliklar sabab, unga Yangi yil bayrami tatimaganini ma’lum qildi.

Nima uchun bayramning birinchi kunlarida Toshkent viloyatiga keldim? Oldimizda juda katta masalalar turibdi. Bayram ham tatimagan menga. Nimaga desangiz, Toshkent viloyatining birorta tumani o‘ziga munosib hayot, o‘ziga munosib oylik maosh, o‘ziga munosib ishchi o‘rinlarni yarata olmayapti. Bu gaplar kimgadir yoqar, kimgadir yoqmas, lekin bu haqiqat.

So‘nggi bir yil davomida sizlar bilan to‘rtinchi marta uchrashyapmiz. Ming afsus, viloyatning munosib rahbarini topolmayapmiz. Ming afsuski, sizlar qo‘shilmayapsizlar, bir el bo‘lmayapsizlar. Na “Nuroniy”, na “Mahalla” bor, na Xotin-qizlar va na Yoshlar bor. Hamma tomoshabin.

Shavkat Mirziyoyev, O‘zbekiston Prezidenti