Toshkentning Shayxontohur tumanida joylashgan Olivo restorani oldidan o‘g‘irlangan bankomat Uchtepa tumanidagi O‘rikzor jariga uloqtirildi. Bu haqda, Shayxontohur tuman IIBga asoslanib, “Xabar.uz” xabar bermoqda.
Xabar berishlaricha, gumonlanuvchilardan biri Shayxontohur tuman ichki ishlar boshqarmasi boshlig‘i nomiga o‘z aybiga iqror bo‘lib ariza yozgan va jinoyat qanday sodir etilganini ma’lum qilgan.
Uch kishi 30-dekabr kuni tong soat 5:30 da Olivo restorani oldidagi bankomatni o‘g‘irlagan va uning ichida bo‘lgan 830 ming so‘m pulni olgan.
Xabarda bankomat aynan qanday turga mansub (u to‘lovlarni qabul qiladigan infokioskmi yoki naqd pul chiqarib beruvchi bankomat)ligiga aniqlik kiritilmagan.
“Uskuna Uchtepa tumani O‘rikzor jariga tashlab yuborilgan. Sheriklardan biri o‘g‘irlangan pulning 240 ming so‘mini o‘z ehtiyoji uchun ishlatib yuborgan”, — deyiladi xabarda.
Qayd etishlaricha, hozirgi vaqtda mazkur holat yuzasidan tergov harakatlari olib borilmoqda.
Izoh (0)