АҚШ президенти Дональд Трамп ва Жанубий Корея етакчиси Мун Чжэ Ин телефон орқали мулоқотда Пхёнчханда қишки Олимпиада ўтказилиши давомида қўшма ҳарбий-денгиз машғулотлари ўтказилишини қолдиришга келишиб олди. Бу ҳақда «ТАСС» хабар бермоқда.
Гап қўшинларнинг барча турлари иштирокидаги Foal Eagle манёврлари, шунингдек, Key Resolve қўмондонлик-штаб машғулотларини кейинроққа қолдириш ҳақида кетмоқда.
Одатда улар февраль март ойларида ўтказилади, бу эса Олимпиада ва Паралимпия ўйинлари бўлиб ўтадиган санага тўғри келмоқда. Охирги йилларда манёврларда 200 мингдан 300 минггача ҳарбий хизматчи иштирок этган, АҚШ стратегик қурол-аслаҳалари жалб этилган.
Трамп Мун Чжэ Инга у Шимолий Корея томонига Олимпиада давомида ҳарбий машқлар ўтказилмаслигини етказиши мумкинлигини билдирди. Шунингдек, КХДР билан мулоқотни йўлга қўйишда ёрдам таклиф этди.
Изоҳ (0)