АҚШ Покистонга хавфсизлик соҳасидаги молиявий кўмакни тақдим этишни тўхтатиб қўяди. Бу ҳақда АҚШ Давлат департаменти расмий вакили Хизер Нойерт маълум қилди, деб ёзади «ТАСС». Бу Исломобод «Толибонга нисбатан чора кўришни бошламагунича» шундай бўлади.
Шу билан бирга Давлат департаменти вакили гап қанча сумма ҳақида бораётганига аниқлик киритмади.
«Покистон ҳукумати гуруҳларга, шу жумладан, афғон Толибонига нисбатан чоралар кўришни бошламагунича, Покистонга хавфсизлик соҳасида ёрдам беришни тўхтатиб қўйишимизни тасдиқлашимиз мумкин», — деди Нойерт брифингда.
Аввалроқ АҚШ президенти Дональд Трамп сўнгги 15 йил давомида АҚШ томонидан Покистонга амалга оширилган кўп миллиардли пул ўтказмаларини «аҳмоқлик» деб атаган эди.
Изоҳ (0)