Toshkent shahridagi Amir Temur xiyobonida profilaktika inspektorlarining tantanali qasamyodi hamda ularga xizmat uylari va avtomobillar topshirish marosimining yakunlovchi bosqichi bo‘lib o‘tdi. Bu haqda IIBB matbuot xizmati xabar bermoqda.
Unda 233 nafar profilaktika inspektoriga xizmat uyi va avtomashina kaliti topshirildi.
Tadbirda Oliy Majlis Senati raisi Nig‘matilla Yo‘ldoshev, Oliy sud raisi Kozimjon Komilov, ichki ishlar vaziri general-mayor Po‘lat Bobojonov, Toshkent shahar xokimi Rahmonbek Usmonov va boshqa mutasaddilar, profilaktika inspektorlarining yaqinlari hamda keng jamoatchilik vakillari ishtirok etdi.
Qasamyod qabul qilinganidan so‘ng IIBB rahbariyati va Toshkent shahar xokimligi tomonidan xodimlarning farzandlariga bayram sovg‘alari taqdim etildi.
Izoh (0)