Olmaliq shahridagi “Metallurg” stadionida Toshkent harbiy okrugi qo‘shinlari qo‘mondonligi tomonidan aholi va yoshlar uchun “Armiya va yoshlar” deb nomlangan harbiy-vatanparvarlik festivali o‘tkazildi. Bu haqda Mudofaa vazirligi matbuot xizmati “Daryo”ga ma’lum qildi.
Festivalda aholi, ayniqsa yoshlar uchun zamonaviy qurol-aslaha va harbiy texnika ko‘rgazmasi, harbiy ta’minot masalalari, shuningdek, harbiy orkestr, Qurolli Kuchlar Markaziy ashula va raqs ansambli va estrada yulduzlarining konsert dasturi, harbiy xizmatchilarning qurol bilan saf hamda qo‘l jangi elementlari chiqishlari ko‘rsatildi.
Shuningdek, MXX Chegara qo‘shinlari va Favqulodda vaziyatlar vazirligining texnik vositalari namoyish etildi, Havo hujumidan mudofaa va Harbiy-havo kuchlari qo‘shinlariga qarashli 9 ta vertolyotning namoyishkorona uchib o‘tishi ko‘rsatildi.
- zamonaviy aloqa vositalari va ularda ishlash namoyishi;
- dala sharoitida ovqat tayyorlash, tibbiy xizmat, kiyim-kechak xizmati, harbiy xizmatchilarning ekipirovkasi namoyishi;
- dala oshxonasida ishtirokchilarga issiq issiq choy tarqatilishi;
- harbiy xizmatchilar tomonidan tayyorlangan qurol bilan ko‘rgazmali saf mashqlari va qo‘l jangi bo‘yicha namoyishi;
- harbiy savdo tashkiloti tomonidan yarmarka savdolarini tashkil etilishi kabi tadbirlar o‘rin olgan.
Xabar berishlaricha, festivalda 50 dan ziyod zamonaviy harbiy texnika va qurol-aslaha namunalari, 300 nafarga yaqin harbiy xizmatchilar hamda 6 mingga yaqin aholi ishtirok etgan.
Izoh (0)