Олмалиқ шаҳридаги «Металлург» стадионида Тошкент ҳарбий округи қўшинлари қўмондонлиги томонидан аҳоли ва ёшлар учун «Армия ва ёшлар» деб номланган ҳарбий-ватанпарварлик фестивали ўтказилди. Бу ҳақда Мудофаа вазирлиги матбуот хизмати «Дарё»га маълум қилди.
Фестивальда аҳоли, айниқса ёшлар учун замонавий қурол-аслаҳа ва ҳарбий техника кўргазмаси, ҳарбий таъминот масалалари, шунингдек, ҳарбий оркестр, Қуролли Кучлар Марказий ашула ва рақс ансамбли ва эстрада юлдузларининг концерт дастури, ҳарбий хизматчиларнинг қурол билан саф ҳамда қўл жанги элементлари чиқишлари кўрсатилди.
Шунингдек, МХХ Чегара қўшинлари ва Фавқулодда вазиятлар вазирлигининг техник воситалари намойиш этилди, Ҳаво ҳужумидан мудофаа ва Ҳарбий-ҳаво кучлари қўшинларига қарашли 9 та вертолётнинг намойишкорона учиб ўтиши кўрсатилди.
- замонавий алоқа воситалари ва уларда ишлаш намойиши;
- дала шароитида овқат тайёрлаш, тиббий хизмат, кийим-кечак хизмати, ҳарбий хизматчиларнинг экипировкаси намойиши;
- дала ошхонасида иштирокчиларга иссиқ иссиқ чой тарқатилиши;
- ҳарбий хизматчилар томонидан тайёрланган қурол билан кўргазмали саф машқлари ва қўл жанги бўйича намойиши;
- ҳарбий савдо ташкилоти томонидан ярмарка савдоларини ташкил этилиши каби тадбирлар ўрин олган.
Хабар беришларича, фестивалда 50 дан зиёд замонавий ҳарбий техника ва қурол-аслаҳа намуналари, 300 нафарга яқин ҳарбий хизматчилар ҳамда 6 мингга яқин аҳоли иштирок этган.
Изоҳ (0)