2017-yilning 27-dekabr kuni soat 04:56 da Farg‘ona viloyati Favqulodda vaziyatlar boshqarmasi tezkor navbatchisiga Farg‘ona shahrida istiqomat qiluvchi R.Q. yordam so‘rab murojaat qildi. Bu haqda Favqulodda vaziyatlar vazirligi rasmiy saytida xabar berildi.
Fuqaroning murojaatiga ko‘ra, kuchli shamol esishi natijasida uning uyining tom qismi avtomobil yo‘liga tushib yo‘lning qatnov qismiga to‘sqinlik qilgan.
Qutqaruvchilar zudlik bilan voqea joyiga yetib borib, yo‘lni ochib berdi.
Shu kuni qutqaruvchilar Farg‘ona shahridagi ko‘p qavatli uyda yashovchi fuqarolarga ham yordam berdi. Kuchli shamol esishi natijasida ko‘p qavatli uyning tom qismi surilib, osilib qolgan va aholi uchun xavf tug‘dirgan.
Qutqaruvchilar maxsus asbob-anjomlar yordamida osilib qolgan tomning temirlarini kesib sodir bo‘lishi mumkin bo‘lgan favqulodda vaziyatning olidini oldi.
Izoh (0)