28-dekabrning e’tiborga molik yangiliklari — “Daryo”ning kechki dayjestida.
1. O‘zbekistonliklar Yangi yilda ketma-ket besh kun dam oladi. Navro‘zda ham. Mustaqillik bayramida ham. Har ikkala Hayitda esa uch kundan dam beriladi.
2. O‘zbekistonliklarning qariyb 90 foizi Shavkat Mirziyoyevning prezident lavozimidagi faoliyatini ijobiy baholaydi. Mamlakat prezidentiga ishonch reytingi 2017-yil iyul oyidagi 92,4 foizdan 2017-yilning oktabr oyidagi 93,1 foizgacha o‘sdi.
3. O‘zA Ostrogojskaya haqida “rasmiy ma’lumotlar” berdi. Bu ma’lumotlar savollarni yanada ko‘paytirdi. Masalan, u sobiq moliya vaziri bilan til biriktirib, Prezidentni aldashda ayblangan. Lekin vazirning ismi aytilmagan (har ehtimolga qarshi — mustaqil O‘zbekiston tarixidagi barcha moliya vazirlari).
4. Toshkentda avtomobillarga gaz quyish shoxobchasida gaz balloni portladi. Ijtimoiy tarmoqlarda izoh qoldirganlardan biri portlash ovozi Sergeliga qadar eshitilgani haqida yozgan.
5. Enrike Iglesias konsertining faol yoshlarga bepul tarqatilgan chiptalari 5 mln so‘mgacha sotilmoqda. “Anavi ko‘zoynakli bola tekinga olgan 4 ta biletini 11 million so‘mga sotmayapti”, — dedi “Istiqlol”dagi olibsotarlardan biri.
Izoh (0)