Hind okeanida Fransiyaning dengiz orti hududlariga kiruvchi Reyunyon oroli qirg‘oqlari yaqinidan Polsha fuqarosi o‘tirgan qayiqni topishdi, deb yozadi National Geographic. Qutqarilgan kishining so‘zlariga ko‘ra, qayig‘i buzilib qolgach, u yetti oy davomida okeanda oqim bilan suzib yurgan. Bu vaqt ichida uning yagona yo‘ldoshi mushugi bo‘lgan.
54 yoshli erkak jandarmlarga so‘zlab berishicha, may oyida u yasama qayig‘ida o‘zi bilan bir oyga yetadigan oziq-ovqat zaxirasini olib, Komor orollaridan janubi-sharqiy Afrikaga jo‘nagan. Polshalik ish topish uchun JARga yetib olishni rejalashtirgan.
Ammo qayiq tez orada buzilgan, shuningdek, erkak o‘zi bilan olib olgan aloqa vositalari ham ishdan chiqqan. Oqibatda u Maldiv orollari, Indoneziya va Mavrikiy oralig‘ida oqim bo‘yicha suzib yurishiga to‘g‘ri kelgan.
Erkak kuniga yarim qutidan Xitoy lag‘moni va okeandan tutilgan baliq bilan oziqlanib, omon qoldi.
Izoh (0)