Turkiyada kamida 27 kishi FETO tashkilotiga aloqadorlikda ayblanib, turli muddatli qamoq jazolariga mahkum qilindi, deb yozadi “TASS”. “Fatxullachilar terrorchilik tashkiloti”ni 2016-yil iyulida Turkiyada yuz bergan davlat to‘ntarishiga urinishni tashkillashtirishga bog‘lashadi.
Anadolu agentligi mamlakat xavfsizlik kuchlaridagi manbasiga tayanib ma’lum qilishicha, sudlanganlar orasida huquqshunoslar, sobiq politsiya boshlig‘i, shuningdek, tashkilot yacheykalari koordinatori ham bor. Ularning barchasi bir yildan 12 yilgacha muddatlarda ozodlikdan mahrum etildi.
Avvalroq Turkiya xavfsizlik kuchlari FETOga aloqadorlikda gumon qilib 54 kishini qo‘lga olgan edi.
Izoh (0)