Amerikaning Facebook kompaniyasi Checheniston Respublikasi rahbari Ramzan Qodirovning akkaunti bloklanishini uning AQSh sanksiyaviy ro‘yxatiga kiritilgani bilan izohladi, deb yozadi “RIA Novosti”.
Ijtimoiy tarmoq aniqlik kiritishicha, savdo-iqtisodiy cheklovlar unga nisbatan amal qiladi. “Shu munosabat bilan Facebook’da ushbu shaxsning akkauntlarini deaktivatsiya qilish bo‘yicha yuridik majburiyat bor”, — deyiladi kompaniyaning rasmiy izohida.
Eslatib o‘tamiz, 20-dekabr, chorshanba kuni AQSh rasmiylari inson huquqlari poymol etilishiga aloqador shaxslar o‘rin oladigan “Magnitskiy ro‘yxati”ga Checheniston rahbari Ramzan Qodirovni kiritgach, 23-dekabrga o‘tar kechasi uning Instagram va Facebook ijtimoiy tarmoqlaridagi sahifalari ishlashdan to‘xtadi.
Instagram va Facebook’dagi akkauntlari o‘chirib tashlangach, Checheniston rahbari Ramzan Qodirov boshqa ijtimoiy tarmoq — Mylistory’ga o‘tganini e’lon qildi.
Izoh (0)