Toshkent viloyati Keles shahrida yashovchi uch farzandning otasi 30 yoshli Farhodjon Xudoynazarov 2016-yil 15-oktabrida ro‘y bergan dahshatli YTH oqibatida to‘shakka mixlanib qolgan. U hozirda koma holatida.
“Kun.uz” Farhodjonning onasi Mamlakat Xudoynazarova murojaati asosida uning xonadoniga tashrif buyurdi va bemorning ahvoli bilan yaqindan tanishdi.
Qayd etilishicha, 2017-yilning 2-sentabrida professor A.L.Polenov nomidagi Rossiya neyroxirurgiya ilmiy-tadqiqot institutining Sankt-Peterburgdagi shoxobchasi neyrojarrohlari Nazarov hamda Kandratovlar kelgan va bemorning ahvolini o‘rganib ketgan.
Ular zudlik bilan jarrohlik amaliyoti o‘tkazish kerakligini hamda bosh miyadan oshqozonga tushirilgan naychani virus tushganligi bois olib tashlash zarurligini ma’lum qilgan. Bu amaliyot qiymati esa 1 million Rossiya rublini (qariyb 20 ming AQSh dollari) tashkil etishi qayd etilgan. Shundan so‘nggina uning bosh chanog‘iga implant o‘rnatish mumkin bo‘ladi.
Farhodjon haqida maqola chop etilganidan so‘ng hozirgi kunga qadar 5000 AQSh dollari miqdorida mablag‘ yig‘ilgan. Uning davolanishi uchun yana 15 000 AQSh dollari zarur.
Shu munosabat bilan imkoniyati bor saxovatpesha insonlardan uch farzandning otasi va ota-onasining yolg‘iz farzandi Farhodjonning sog‘ayib ketishiga hissa qo‘shish so‘raladi.
Yordam qo‘lini cho‘zmoqchi bo‘lgan saxovatpesha insonlar uchun:
Click/PayMe: 8600 0417 7251 4833
Xalqaro o‘tkazmalar uchun: 4187 8200 0007 0720
Telefon: +99893 565-09-63
Izoh (0)