Тошкент вилояти Келес шаҳрида яшовчи уч фарзанднинг отаси 30 ёшли Фарҳоджон Худойназаров 2016 йил 15 октябрида рўй берган даҳшатли ЙТҲ оқибатида тўшакка михланиб қолган. У ҳозирда кома ҳолатида.
«Kun.uz» Фарҳоджоннинг онаси Мамлакат Худойназарова мурожаати асосида унинг хонадонига ташриф буюрди ва беморнинг аҳволи билан яқиндан танишди.
Қайд этилишича, 2017 йилнинг 2 сентябрида профессор А.Л.Поленов номидаги Россия нейрохирургия илмий-тадқиқот институтининг Санкт-Петербургдаги шохобчаси нейрожарроҳлари Назаров ҳамда Кандратовлар келган ва беморнинг аҳволини ўрганиб кетган.
Улар зудлик билан жарроҳлик амалиёти ўтказиш кераклигини ҳамда бош миядан ошқозонга туширилган найчани вирус тушганлиги боис олиб ташлаш зарурлигини маълум қилган. Бу амалиёт қиймати эса 1 миллион Россия рублини (қарийб 20 минг АҚШ доллари) ташкил этиши қайд этилган. Шундан сўнггина унинг бош чаноғига имплант ўрнатиш мумкин бўлади.
Фарҳоджон ҳақида мақола чоп этилганидан сўнг ҳозирги кунга қадар 5000 АҚШ доллари миқдорида маблағ йиғилган. Унинг даволаниши учун яна 15 000 АҚШ доллари зарур.
Шу муносабат билан имконияти бор саховатпеша инсонлардан уч фарзанднинг отаси ва ота-онасининг ёлғиз фарзанди Фарҳоджоннинг соғайиб кетишига ҳисса қўшиш сўралади.
Ёрдам қўлини чўзмоқчи бўлган саховатпеша инсонлар учун:
Click/PayMe: 8600 0417 7251 4833
Халқаро ўтказмалар учун: 4187 8200 0007 0720
Телефон: +99893 565-09-63
Изоҳ (0)