Rossiyaning Yaroslavl viloyatidagi xususiy maktablardan birida ayol o‘qituvchi 14 yoshli nogiron o‘quvchining peshonasiga “tayyor emas” deb yozgan. Bunda o‘quvchining sinfdoshlari uning qo‘llarini ushlab turgan. Bolaning onasi bu haqda viloyat prokuraturasiga shikoyat qilgan. Bu haqda Meduza xabar berdi.
Mavzuga doir: Peterburglik o‘qituvchi o‘quvchining peshonasiga “ahmoq” deb yozib qo‘ydi. Ota-onalar uni ishdan haydamaslikni so‘ramoqda
O‘qituvchi o‘z xatti-harakatini o‘quvchi darsga tayyorlanmagani, intizomni buzgani va mashg‘ulotni o‘tishga xalaqit bergani bilan izohlagan.
Tekshiruv natijasiga ko‘ra, maktab direktoriga nisbatan ma’muriy ish qo‘zg‘atilgan. Bundan tashqari, o‘qituvchi va maktabga nisbatan yetkazilgan ma’naviy zararni qoplashni so‘rab, tuman prokurori tomonidan ish qo‘zg‘atilgan.
Izoh (0)