Igor Dodon: Moldova Rossiya bilan strategik sherikliksiz yashab qolmaydi
Moldova Rossiya bilan strategik sherikliksiz yashab qolmaydi. Bu haqda mamlakat prezidenti Igor Dodon ma’lum qildi, deb xabar beradi EADaily.
Igor Dodon. Foto: EADaily
“Agar Rossiya bilan yaxshi munosabatlar o‘rnatilmasa, Moldova davlat sifatida bo‘lmaydi. Bizda real imkoniyat mavjud — parlament saylovlaridan keyingi yilda G‘arb va Sharq o‘rtasidagi kurashda omon qolish, neytralitetni saqlash, mamlakatni birlashtirish va oldinga qadam tashlash”, — dedi Dodon.
Shu bilan birga, Moldova yetakchisi Yevroittifoq bilan ham aloqalarni saqlab qolish lozimligini bildirdi.
Ma’lumot uchun, Igor Dodon 26-dekabr kuni Moskvada Rossiya prezidenti Vladimir Putin bilan uchrashadi.
Izoh (0)