Rossiya liberal-demokratik partiyasi yetakchisi Vladimir Jirinovskiy Sovet Ittifoqining sobiq respublikalariga ixtiyoriy ravishda Rossiya tarkibiga qaytishni taklif qildi. Bu haqda “MK.ru” xabar bermoqda.
“Rossiyada sobiq SSSRning qaysidir hududlari ixtiyoriy tarzda qaytishini mamnuniyat bilan kutamiz. Ular Moskva bilan o‘zaro munosabatlar shaklini o‘zlari tanlaydi. Biz ularga federal markaz hal etadigan tashqi siyosat, mudofaa va moliya kabi masalalardan tashqari keng vakolatlar berishimiz mumkin”, — dedi Jirinovskiy partiyaning 31-syezdidagi chiqishi chog‘ida.
Mazkur partiya yig‘inida LDPR yetakchisining Rossiya prezidentligi lavozimiga nomzodini ilgari surilishi muhokama qilinmoqda. Bu Jirinovskiyning oltinchi bor prezidentlik saylovida ishtirok etishi bo‘ladi.
Izoh (0)