AQShda kishilarni garovga olgani uchun uzoq muddatli qamoq jazosiga hukm qilingan Jorj Jonson sud qarori e’lon qilingan kunning ertasiga joniga qasd qildi. Bu haqda “RIA Novosti” xabar bermoqda.
Hodisadan bir kun avval Baltimor sudi uni ozodlikdan noqonuniy mahrum etish va jinoiy tahdidda aybdor deb topib, 123 yil qamoq jazosiga hukm qilgandi.
2016-yil iyulida politsiyachilar zo‘ravonlik sodir etgani uchun qidirilayotgan Jonsonning avtomobiliga duch kelganadi. Qurollangan erkak yashirinishga urinib, yo‘l-transport hodisasi sodir etadi, so‘ng yaqin oradagi Burger King restoraniga kirib boradi.
U yerda restoranning 3 nafar xodimi va 7 yoshli qizni garovga oladi. Politsiya bilan bir necha soat davom etgan muzokaralardan so‘ng avvaliga ikki kishini qo‘yib yuboradi, keyin qolganlar bilan restoranni tark etadi.
Izoh (0)