Tailandlik dengizchi yarim yil dengizda suzib, uyiga qaytdi. Qarindoshlari uni arvoh deb o‘yladi, chunki u hujjatlarga asosan o‘lgan va 2017-yilning may oyida kuydirilgan. Bu haqda “RIA Novosti” xabar berdi.
Baliq ovlovchi kemada yarim yilni dengizda o‘tkazgan Sakxon Sachiva deyarli hech qaysi portga kirmasdan o‘z qishlog‘iga qaytdi. Uning qaytishi qarindoshlari va qo‘shnilarini vahimaga solgan. Qarindoshlar dengizchiga tegib ko‘rmaguncha uni arvoh deb o‘ylagan.
Ma’lum bo‘lishicha, 2017-yilning 18-mayida Bangkok politsiyasi Sachivalar oilasiga baliqchining oshqozon-ichak kasalidan poytaxtdagi kasalxonalardan birida vafot etgani haqida xabar yuborgan. Bir necha kundan so‘ng qarindoshlar Bangkokka yetib kelgan va kasalxonadan jasadni yopiq tobutda olib ketgan hamda uni dengizchining tug‘ilgan qishlog‘i yaqinidagi ibodatxonada kuydirgan.
Dengizchining aytishicha, u dengizga myanmalik boshqa bir matros bilan chiqqan. Myanmalik dengizchi uning Tailand fuqarosi ekanligi haqidagi hujjatini o‘g‘irlagan va portlardan birida qochib ketgan. Dengizda mobil aloqaning yo‘qligi sababli Sachiva bu hodisadan so‘ng qarindoshlari bilan biror marta gaplasha olmagan. Kema ham biror marta Tailand portlarida to‘xtamagan. Sachiva o‘g‘irlangan hujjat o‘rniga yangisini myanmalik dengizchi qochib ketgan port shahardagi ma’muriyatdan hodisadan ikki kun o‘tgach olgan.
Endi uning hujjati bo‘lsa ham, dengizchi o‘zining tirik odam maqomini tiklash uchun uzoq jarayonlardan o‘tishi kerak bo‘ladi. Politsiya Sachivaning o‘rniga kuydirilgan odamning shaxsini aniqlashga urinmoqda.
Izoh (0)