Kaliforniyalik fuqaro Dillon Xill 2017-yilning oktabr oyida o‘zining yaqin do‘sti bir yildan so‘ng saratondan o‘lishi mumkinligini bilib qolgan. Shundan so‘ng u Kris Betankurga o‘limi oldidan bajarishi kerak bo‘lgan ishlar ro‘yxatini tuzish borasida yordam berish uchun internetda kampaniyani boshlab yubordi, deb xabar beradi Forum Daily.
Shifokorlar Krisda qon saratoni borligini aniqlagan, u barcha dori-darmonlarni sinab ko‘rgan. Krisning so‘zlariga ko‘ra, unga faqat suyak iligini ko‘chirib o‘tkazish yordam beradi, buning uchun esa u donor topishi kerak.
Krisning kasalligidan xabar topgan Dillon do‘stiga yordam berish uchun ma’lum muddatga o‘qishni tashlashga qaror qildi. IT-mutaxassisi bo‘lib ishlovchi Dillon alohida sayt va YouTube’da kanal yaratdi. Bu yerda u Kris bilan qanday tanishganlari va do‘stining tarixi haqida so‘zlab beradi.
Ular kompyuter o‘yinlariga bo‘lgan qiziqishlari sabab do‘stlashib qolgan.
Kris beshinchi sinfda hushidan ketib qolganida unda saraton borligi aniqlangan. Oradan bir necha yil o‘tgach kasallik susaygan va bolaning oilasi barchasi ortda qoldi deb o‘ylay boshlagan. Biroq 2017-yilning oktabrida unda qon saratoni borligi ma’lum bo‘lgan.
Ikki do‘st Kris hayotligida nimalarni bajarishga ulgurishi kerakligi borasida ro‘yxat tuzib chiqdi va ro‘yxatdagi barcha bandlarga pul yetishi uchun kraudfanding kampaniyasini ishga tushirdi.
Izoh (0)