Калифорниялик фуқаро Диллон Хилл 2017 йилнинг октябрь ойида ўзининг яқин дўсти бир йилдан сўнг саратондан ўлиши мумкинлигини билиб қолган. Шундан сўнг у Крис Бетанкурга ўлими олдидан бажариши керак бўлган ишлар рўйхатини тузиш борасида ёрдам бериш учун интернетда кампанияни бошлаб юборди, деб хабар беради Forum Daily.
Шифокорлар Крисда қон саратони борлигини аниқлаган, у барча дори-дармонларни синаб кўрган. Криснинг сўзларига кўра, унга фақат суяк илигини кўчириб ўтказиш ёрдам беради, бунинг учун эса у донор топиши керак.
Криснинг касаллигидан хабар топган Диллон дўстига ёрдам бериш учун маълум муддатга ўқишни ташлашга қарор қилди. IT-мутахассиси бўлиб ишловчи Диллон алоҳида сайт ва YouTube’да канал яратди. Бу ерда у Крис билан қандай танишганлари ва дўстининг тарихи ҳақида сўзлаб беради.
Улар компьютер ўйинларига бўлган қизиқишлари сабаб дўстлашиб қолган.
Крис бешинчи синфда ҳушидан кетиб қолганида унда саратон борлиги аниқланган. Орадан бир неча йил ўтгач касаллик сусайган ва боланинг оиласи барчаси ортда қолди деб ўйлай бошлаган. Бироқ 2017 йилнинг октябрида унда қон саратони борлиги маълум бўлган.
Икки дўст Крис ҳаётлигида нималарни бажаришга улгуриши кераклиги борасида рўйхат тузиб чиқди ва рўйхатдаги барча бандларга пул етиши учун краудфандинг кампаниясини ишга туширди.
Изоҳ (0)