Orto-tokoy (Kosonsoy) suv ombori hududi yaqinida istiqomat qilgan O‘zbekiston fuqarolaridan yer solig‘i summasi 26 yil davomida to‘planib, 1 milliard som (14,3 million dollar)dan ziyodni tashkil qildi. Bu haqda Jo‘qorg‘i Kenesh majlisida “Bir Bol” fraksiyasidan deputat Is’hoq Pirmatov aytib o‘tdi, deb yozadi KNews.
U Qirg‘iziston qishloq xo‘jaligi vaziri Nurbek Murashevga yuzlanib, O‘zbekiston o‘z fuqarolari uchun soliq to‘lash-to‘lamasligi bilan qiziqdi.
Vazir suv ombori hududida 44 ta uy qurilgani, u yerda O‘zbekiston fuqarolari yashaganini aytdi. Uning ta’kidlashicha, bitim ratifikatsiya qilingach, ushbu oilalar O‘zbekistonga ko‘chib o‘tadi.
Eslatib o‘tamiz, Qirg‘iziston va O‘zbekiston o‘rtasida Orto-Tokoy suv omboridan foydalanish to‘g‘risidagi bitim joriy yilning 6-oktabrida, Qirg‘ziston sobiq prezidenti Almazbek Atambayevning Toshkentga uyushtirgan tashrifi vaqtida imzolangan edi. Ushbu hujjatga muvofiq, suv omborini muhofaza qilish va boshqarish huquqi Qirg‘iziston tomoniga to‘liq o‘tdi. O‘zbekiston esa o‘z zimmasiga suv omborining ishlashini ta’minlash majburiyatini olgan.
Qirg‘iziston Respublikasi Jo‘qorg‘i Keneshining 13-dekabrda bo‘lib o‘tgan yig‘ilishida kun mavzusi sifatida “Qirg‘iziston va O‘zbekiston hukumatlari o‘rtasida Jalolobod viloyatidagi joylashgan Orto-tokoy (Kosonsoy) suv omboridan davlatlararo foydalanish to‘g‘risidagi bitimni ratifikatsiya qilish” masalasi ko‘rib chiqildi.
Izoh (0)