AQSh va Janubiy Koreya 4-dekabr, dushanba kuni Vigilant ACE deb kodli nom olgan harbiy mashg‘ulotlarni boshladi. Bu haqda “RIA Novosti” xabar bermoqda.
Janubiy Koreya OAVlariga ko‘ra, mazkur mashqlar harbiy-havo kuchlarining tarixdagi eng yirik ko‘lamli mashg‘ulotlari bo‘ladi: ularga 230 samolyot safarbar etiladi.
Vigilant ACE'da qatnashadigan havo kemalari orasida AQSh harbiy-havo kuchlarining B-1B “Lanser” bombardimonchisi, 6 ta EA-18 “Grouler” samolyoti, shuncha F-22, o‘nlab F-15C va F-16 qiruvchisi bor.
Janubiy Koreya mudofaa vazirligi mashqlar Seul va Vashington Shimoliy Koreyaning “ballistik raketalar uchirish bilan bog‘liq fitnalari”ga munosabat bildirish irodasi va imkoniyatiga ega ekanligini namoyish etishini ta’kidladi.
Izoh (0)