АҚШ ва Жанубий Корея ҳарбий-ҳаво кучларининг тарихдаги энг йирик машғулотларини бошлади

АҚШ ва Жанубий Корея 4 декабрь, душанба куни Vigilant ACE деб кодли ном олган ҳарбий машғулотларни бошлади. Бу ҳақда «РИА Новости» хабар бермоқда.

Жанубий Корея ОАВларига кўра, мазкур машқлар ҳарбий-ҳаво кучларининг тарихдаги энг йирик кўламли машғулотлари бўлади: уларга 230 самолёт сафарбар этилади. 

Vigilant ACE’да қатнашадиган ҳаво кемалари орасида АҚШ ҳарбий-ҳаво кучларининг B-1B «Лансер» бомбардимончиси, 6 та EА-18 «Гроулер» самолёти, шунча F-22, ўнлаб F-15C ва F-16 қирувчиси бор.

Жанубий Корея мудофаа вазирлиги машқлар Сеул ва Вашингтон Шимолий Кореянинг «баллистик ракеталар учириш билан боғлиқ фитналари»га муносабат билдириш иродаси ва имкониятига эга эканлигини намойиш этишини таъкидлади.