Аргентина суди мамлакатнинг собиқ ҳарбийларига чиқарилган ҳукмни эълон қилди. Бу ҳақда «РИА Новости» хабар бермоқда.
Ҳарбийлар 1976—1983 йиллардаги ҳарбий диктатура даврида амалга оширилган инсониятга қарши жиноятлари учун жазоланди.
Хусусан, 29 та умрбод қамоқ жазоси чиқарилди. Уларга ҳукм этилганлар орасида мамлакат ҳарбий-денгиз кучлари мактабидаги қамоқхона маҳбусларига нисбатан оммавий репрессияларда айбланганлар бор.
5 йил давом этган ва 900 киши гувоҳ сифатида чақирилган суд жараёнида собиқ ҳарбийларга нисбатан «ўлим парвозлари»ни амалга оширилганлик айби ҳам қўйилди. Жумладан, 1977 йил декабрида шундай парвозни бажарган ва океанга 10 дан ортиқ кишини улоқтирган самолёт учувчисига умрбод қамоқ жазоси берилди.
Изоҳ (0)