Ukrainaning Odessa viloyat ma’muriyati sobiq rahbari Mixail Saakashvili mamlakat prezidenti Pyotr Poroshenko uni hibsga olishga ko‘rsatma berganini ma’lum qildi. Bu haqda sobiq gubernator 29-noyabr, chorshanba kuni bo‘lib o‘tgan matbuot anjumanida gapirgan, deb yozmoqda EADaily.
Saakashvilining aytishicha, prezident Poroshenko “qizil chiziq”ni kesib o‘tgan va Ukrainada o‘ylab topilgan davlat to‘ntarishiga urinish va Odessadagi o‘ylab topilgan ish uchun uni hibsga olishga topshiriq bergan. Uning so‘zlariga ko‘ra, topshiriq bosh prokuror Yuriy Lutsenko va Ukraina xavfsizlik xizmati rahbariyatiga berilgan.
Sobiq gubernatorning ta’kidlashicha, topshiriq olgan rahbarlar 3-dekabrga qadar 2—3 kun ichida uni hibsga olish bo‘yicha rejani amalga oshirishi kerak. Saakashvilining ta’kidlashicha, uning Odessa viloyati ma’muriyatidagi faoliyati vaqtida mavjud bo‘lmagan ishlar ko‘tariladi.
Shuningdek, sobiq gubernatorning so‘zlariga ko‘ra, uning ovozi bilan audioyozuvlarni soxtalashtirish va bu materialni uning hibsga olinish kunida e’lon qilish rejalashtirilmoqda.
Izoh (0)