Checheniston Respublikasi rahbari Ramzan Qodirovni Chernogoriyada 2016-yilda uyushtirilgan davlat to‘ntarishi haqidagi jinoyat ishiga kiritishdi. Bu haqda Yevropa mamlakatidagi muxolifat yetakchilari Rossiya tashqi ishlar vazirligiga ma’lum qildi, deb yozadi “RBK”.
Chernogoriyalik prokurorlar versiyasiga ko‘ra, Checheniston yetakchisi amaldagi hukumatni almashtirish maqsadida mamlakat musulmonlar jamiyati yetakchilarini “Demfront” bilan hamkorlikka targ‘ib qilgan.
Jinoyat ishida yana 13 kishi bor, bular ikki nafar Rossiya fuqarosi, uch chernogoriyalik va sakkiz serbiyalikdir. Sud jarayoni iyulda boshlangan.
Fevral oyida Chernogoriya maxsus prokurori Milivoyye Katnich Moskvani 2016-yil oktabrida bo‘lib o‘tishi kerak bo‘lgan davlatni to‘ntarishga urinishda aybladi. O‘sha kuniyoq Britaniyaning The Telegraph nashri Rossiya maxsus xizmatlari respublika sobiq bosh vaziri Milo Jukanovichga suiqasd uyushtirishga urinish ortida turgan bo‘lishi mumkinligi haqida xabar berdi. Rossiya tashqi ishlar vazirligi bunday bayonotlarning barchasini asossiz deb atadi.
Izoh (0)