Чеченистон Республикаси раҳбари Рамзан Қодировни Черногорияда 2016 йилда уюштирилган давлат тўнтариши ҳақидаги жиноят ишига киритишди. Бу ҳақда Европа мамлакатидаги мухолифат етакчилари Россия ташқи ишлар вазирлигига маълум қилди, деб ёзади «РБК».
Черногориялик прокурорлар версиясига кўра, Чеченистон етакчиси амалдаги ҳукуматни алмаштириш мақсадида мамлакат мусулмонлар жамияти етакчиларини «Демфронт» билан ҳамкорликка тарғиб қилган.
Жиноят ишида яна 13 киши бор, булар икки нафар Россия фуқароси, уч черногориялик ва саккиз сербияликдир. Суд жараёни июлда бошланган.
Февраль ойида Черногория махсус прокурори Миливойе Катнич Москвани 2016 йил октябрида бўлиб ўтиши керак бўлган давлатни тўнтаришга уринишда айблади. Ўша куниёқ Британиянинг The Telegraph нашри Россия махсус хизматлари республика собиқ бош вазири Мило Жукановичга суиқасд уюштиришга уриниш ортида турган бўлиши мумкинлиги ҳақида хабар берди. Россия ташқи ишлар вазирлиги бундай баёнотларнинг барчасини асоссиз деб атади.
Изоҳ (0)