Uelsning Nyuport shahrida yashovchi Jeyms Xouells so‘nggi to‘rt yildan buyon mahalliy axlattepadan 7,5 mingta bitkoin bo‘lgan qattiq diskini qidirib topish umidini yo‘qotmayapti, uni erkakning o‘zi 2013-yilda tashlab yuborgan edi, deb yozadi Afisha Daily.
Omadsiz erkak The Guardian jurnalistiga gapirib berishicha, 7,5 mingta bitkoinni u 2009-yilda bir necha oy ichida yig‘ishga ulgurgan. Noutbuki shovqin bilan ishlab, qizib keta boshlagach, qattiq diskini almashtirgan va u bir necha yil davomida stol tortmasida turgan. 2013-yil yozida esa Jeyms disk unga boshqa kerak bo‘lmasligiga ishongan holda, uni axlatga tashlab yuborgan.
O‘sha vaqtda bitkoin kursi taxminan 1240 dollarni tashkil qilgan, ya’ni stoli tortmasida qariyb 9 million dollar yotgan. Uch oydan so‘nggina u qattiq diskdagi raqamli hamyonda kriptovalyuta saqlanganini eslab qoldi.
2013-yil noyabrida u qattiq diski kelib tushgan axlattepani topdi, ammo hukumatning ruxsatisiz qidirishni boshlay olmay turibdi. Mansabdorlar esa qidiruv ko‘p sonli kishilarni jalb qilishi va ko‘p millionli xarajatlarni talab qilishi tufayli, ruxsat berishga shoshilmayapti. Xouells qattiq diski qayta ishlashga tushmagani va hamon futbol maydoni kattaligidagi axlattepada ekanligiga ishonch bildirmoqda.
Izoh (0)