Eron prezidenti Hasan Ruhoniy Press TV telekanalining efiri vaqtida IShID terrorchilik tashkiloti ustidan g‘alaba qozonilganini e’lon qildi, deb xabar berdi “Gazeta.ru”.
Uning so‘zlariga ko‘ra, Suriya va Iroq hududidagi jangarilar ustidan g‘alaba qozonilgan.
Ruhoniy IShID ustidan o‘rnatilgan g‘alabani “Eron va butun mintaqa aholisi uchun yaxshi yangilik”, deb atadi.
Avvalroq, Suriya hukumat qo‘shini jangchilari shia ko‘ngillilari bilan birga Abu Kamol shahrini nazorat ostiga olgani haqida xabar berilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)