O‘zbekiston Oliy Ligasining 29-turidan keyin Toshkentning “Lokomotiv” klubi mamlakat chempionligini qo‘lga kiritdi. 30-turdan keyin uning ta’qibchisi bo‘lgan “Nasaf” turnir jadvalida “temiryo‘lchilar”ni quvib yeta olmaydi.
“Nasaf” Qarshida “Paxtakor”ni yirik hisobda yengib, Chempionlar Ligasiga yo‘l oldi. Toshkent grandi arosatda qoldi
“Lokomotiv” Samarqandda “Dinamo” mehmoni bo‘lib, 5:1 hisobida zafar quchdi. Chempionat to‘purari Marat Bikmayev xet-trik qayd etdi. Sanjar Shoahmedov va Jaloliddin Masharipov 1 tadan gol urdi. Natijada klub ketma-ket ikkinchi chempionligini rasmiylashtirdi. “Loko” 2016-yil o‘z tarixida ilk bor chempionat oltin medallarini qo‘lga kiritgandi.Mirko Yelichich boshqargan klub joriy mavsum faqatgina 4 ta jamoaga imkoniyatni boy berdi: “Sho‘rtan” 0:2, “Bunyodkor” 0:1, “Nasaf” 0:2 va “Paxtakor” 0:1. Shuningdek, yana 4 ta klub “temiryo‘lchilar”dan ochko tortib oldi: “Navbahor” 2:2, “Qo‘qon-1912” 1:1, “Mash’al” 1:1 va “Neftchi” 0:0. Qolgan 21 ta bellashuv “Lokomotiv” g‘alabasi bilan nihoyasiga yetdi.
O‘zbekiston Oliy Ligasi 29-tur bellashuvlari 19-noyabr, yakshanba
“Dinamo” — “Lokomotiv” 1:5
Gollar: Marat Bikmayev, 8 (0:1). Marat Bikmayev, 18-pen (0:2). Adnan Oraxovats, 32 (1:2). Sanjar Shoahmedov, 58 (1:3). Jaloliddin Masharipov, 77 (1:4). Marat Bikmayev, 86 (1:5).“Lokomotiv” 2018-yilgi mavsumni O‘zbekiston chempioni sifatida Osiyo Chempionlar Ligasining guruh bosqichida o‘tkazadi. OFK O‘zbekistonga 1+2 kvotasini ajratgan bo‘lib, 1 ta aniq yo‘llanma aynan “temiryo‘lchilar”ga nasib qildi. Saralashga yo‘llanma beruvchi qolgan ikki kvotadan birini “Nasaf” yutib oldi. Yana 1 tasi O‘zbekiston Kubogining finalidan keyin “Paxtakor” va “Bunyodkor” jamoalaridan biriga nasib qiladi.
Izoh (0)