Eronda 12-noyabr, yakshanba kuni ro‘y bergan zilzila oqibatida halok bo‘lganlar soni 211 kishiga yetdi. Bu haqda Press TV’ga tayanib, “Gazeta.ru” xabar berdi.
Mamlakat sog‘liqni saqlash vazirining o‘rinbosari Qosim Jan-Babayining ma’lum qilishicha, tabiiy ofat oqibatida 1,5 mingga yaqin odam jabrlangan.
Yevropa — O‘rtayer dengizi seysmologiya markazi Eron va Iroq chegarasida kuzatilgan yerosti silkinishi 7,2 magnitudaga ega bo‘lganini qayd etdi.
Avvalroq, zilzila oqibatida 70 mingga yaqin eronlik boshpanasiz qolgani haqida xabar berilgandi.