Эронда 12 ноябрь, якшанба куни рўй берган зилзила оқибатида ҳалок бўлганлар сони 211 кишига етди. Бу ҳақда Press TV’га таяниб, «Газета.ru» хабар берди.
Мамлакат соғлиқни сақлаш вазирининг ўринбосари Қосим Жан-Бабайининг маълум қилишича, табиий офат оқибатида 1,5 мингга яқин одам жабрланган.
Европа — Ўртаер денгизи сейсмология маркази Эрон ва Ироқ чегарасида кузатилган ерости силкиниши 7,2 магнитудага эга бўлганини қайд этди.
Аввалроқ, зилзила оқибатида 70 мингга яқин эронлик бошпанасиз қолгани ҳақида хабар берилганди.