Toshkentda qurilishi boshlangan yer usti halqa metrosining barcha harakatlanuvchi tarkiblari O‘zbekistonda ishlab chiqariladi. “Gazeta.uz”ning xabar berishicha, bu haqda “Toshkent metropoliteni” rahbari Oybek Xudoyqulov ma’lum qilgan.
Uning so‘zlariga ko‘ra, vagonlarni ishlab chiqarish bilan Toshkent vagonsozlik zavodi shug‘ullanadi.
“Ushbu masala yuzasidan biz Rossiyadagi ikkita zavodda bo‘ldik. Bizda yo‘lovchi vagonlarini ishlab chiqarish bo‘yicha zavod bor, biz o‘zimiz ishlab chiqaramiz”, — dedi u.
Oybek Xudoyqulovning qo‘shimcha qilishicha, Toshkent metrosining eski vagonlari to‘liq restavratsiya qilinib, qayta jihozlanib chiqilgan. Shu bois bu vagonlarning “umri” yana 15 yilga uzaytirilgan.
Izoh (0)