O‘zbekiston Prezidentining Davlat maslahatchisi — O‘zbekiston Yoshlar ittifoqi rahbari Qahramon Quronboyev Rossiya bo‘ylab safari davomida Sankt-Peterburgdagi zaharlanish oqibatida shifoxonaga yotqizilgan O‘zbekiston fuqarolarini borib ko‘rdi. Bu haqda Yoshlar ittifoqi matbuot xizmati “Daryo”ga ma’lum qildi.
Avvalroq Sankt-Peterburgdagi “Narodniy” supermarketida ishlayotgan Tojikiston va O‘zbekiston fuqarolari zaharlanib, shifoxonaga tushgani haqida xabarlar tarqalgan edi. Shu munosabat bilan, Qahramon Quronboyev o‘z tashri dasturiga o‘zgartirish kiritib, zaharlangan 33 bemorni borib ko‘rdi.
“Ularning faqat 2 nafari — Shohjahon Ibrohimov va Nargiza Qarshiyeva O‘zbekiston fuqarosi ekani ma’lum bo‘ldi. Shohjahon Ibrohimov o‘zini yaxshi his qilmoqda, unga shifoxonadan ketishga ruxsat berilgan. Nargiza Qarshiyevaning hayotiga ham hech qanday xavf yo‘q, u ham tez kunlarda shifoxonadan chiqadi”, — deyiladi Yoshlar ittifoqi xabarida.
Xabar berishlaricha, Qahramon Quronboyev boshchiligidagi delegatsiya Sankt-Peterburgdagi shifoxonaga yotqizilgan o‘zbekistonliklarga zaruriy barcha yordam ko‘rsatilishi bo‘yicha tegishli choralarni ko‘rgan.
Izoh (0)