1-noyabr kuni O‘zbekiston Respubikasi Tashqi ishlar vaziri Abdulaziz Komilov Birlashgan Millatlar Tashkiloti Bosh kotibi o‘rinbosari, narkotiklar va jinoyatchilik bo‘yicha boshqarmasi ijrochi direktori Yuriy Fedotov bilan uchrashdi. Bu haqda TIV matbuot xizmati xabar bermoqda.
Yuriy Fedotov boshchiligidagi BMT narkotiklar va jinoyatchilik bo‘yicha boshqarmasi delegatsiyasi Toshkent shahriga ikki tomonlama muzokalar olib borish va ShHT mintaqaviy aksilterror tuzilmasining “Terrorizmga qarshi kurash – chegarasiz hamkorlik” mavzusidagi beshinchi ilmiy-amaliy konferensiyasida ishtirok etish maqsadida tashrif buyurdi.
Bo‘lib o‘tgan suhbatda BMT va uning ixtisoslashtirilgan institutlari bilan hamkorlikni kengaytirish doirasida O‘zbekistonning BMT narkotiklar va jinoyatchilik bo‘yicha boshqarmasi bilan munosabatlarining mustahkamlash holati va istiqbollari muhokama qilindi.
Shuningdek, turli ko‘rinish va shakllardagi hamkorlikni yanada rivojlantirishdan tomonlar o‘zaro manfaatdor ekanligi tasdiqlandi.
Bugungi kunda, O‘zbekistonda BMT Narkotiklar va jinoyatchilik bo‘yicha boshqarmasi ko‘magida milliy va mintaqaviy darajadagi dasturlar amalga oshirilmoqda. O‘zbekistonning tegishli tuzilmalari 2016—2019-yillarda Afg‘oniston va qo‘shni davlatlar uchun mintaqaviy dasturda, hamda Markaziy Osiyo davlatlari uchun 2015—2019-yillarga mo‘ljallangan dasturda ishtirok etmoqda.
Uchrashuv davomida tomonlarni qiziqtirgan boshqa masalalar yuzasidan ham fikr almashildi.
Suhbatda BMT narkotiklar va jinoyatchilik bo‘yicha boshqarmasining Markaziy Osiyodagi mintaqaviy vakolatxonasi boshlig‘i Ashita Mittal ishtirok etdi.
Izoh (0)